Almaniyadan sığınacaq istəyənlərin sayı artıb -VİDEO

  • Avropa
  • 31 Okt 08:45
  • 114 Oxunma
img
+    -

Almaniyadan sığınacaq istəyən əcnəbilərin sayında artış qeydə alınıb. Bu barədə “Xeber.de”nin sorğusuna Almaniya Miqrasiya və Qaçqınlarla iş üzrə Federal İdarədən (BAMF) məlumat verilib. Məlumatda deyilir ki, bu ilin sentyabr ayında federal idarəyə 13 849 ilkin sığınacaq müraciəti təqdim edilib. Bu o deməkdir ki, ilk dəfə sığınacaq üçün müraciət edənlərin sayı keçən ilin eyni ayı ilə müqayisədə 48,9 % artıb. Əvvəlki ayla müqayisədə də sığınacaq üçün müraciətlərin sayı 16,9 % artıb.
Vətəndaşlıq mənsubiyyətinə görə müraciət edənlərin siyahısında ilk yeri Suriyadan gələnlər tutublar. 3911 Suriya vətəndaşı Almaniyaya gələrək və ya transsərhəd sığınacaq  üçün müraciət edib. Siyahıda sonrakı yerlərdə Əqanıstan, İraq və Türkiyə vətəndaşları qərarlaşıblar.  
3021 nəfər Cenevrə Qaçqınlar Konvensiyasına, 2182 nəfər əlavə müdafiə və 249 nəfər deportasiyaya qarşı müdafiəyə uyğun olaraq qaçqın statusu alıb.
2876 nəfərin ərizəsi rədd edilib, 3644 nəfərin müraciətinə isə Dublin proseduru və ya sığınacaq ərizəsinin geri götürülməsi ilə əlaqədar icraatın dayandırılmasına uyğun baxılıb. 

Foto : BAMF

Oxşar yazılar