Türkiyə ilk elektrikli avtomobilini təqdim etdi - VİDEO

img
+    -

Bu gün Türkiyənin Qocaəli vilayətinin Gəbzə şəhərində istehsal olunmuş və ölkənin ilk avtomobil markası OLAN “Devrim”in təqdimatı keçirilib. Xeber.de-nin məlumatına görə, nəqliyyat vasitəsini “Türkiyə Avtomobil Təşəbbüs Qrupu” (TOGG – “Türkiye Otomotiv Girişim Grubu”) ərsəyə gətirib.

Onun kütləvi istehsalına 2022-ci ildə, Bursa şəhərində inşa ediləcək müəssisədə başlanacaq. “Devrim” SUV sinfindən, qabaqcıl texnologiyalara söykənməklə, bütövlüklə elektrik mühərriklə təchiz olunub. Avtomovil 200 və 400 at gücündə olmaqla iki variantda buraxılacaq. Onunla bir dəfə enerji yükləməklə 300 km və 500 km getmək mümkün olacaq.

Təqdimat mərasimində çıxış edən Türkiyə prezidenti Rəcəb Tayib Ərdoğan daha sonra yeni avtomobilin sükanı arxasına keçərək rəmzi olaraq dövlət başçısı kimi ilk sifarişini verib. Tədbirdə həmçinin sənaye və texnologiya naziri Mustafa Varank, TOGG İdarə Heyətinin sədri Rüfət Hisarcıklıoğlu və icraçı direktoru Gürcan Qaraqaş da iştirak ediblər.